Тетовската полиција информира дека вчера (23 ноември) околу 15 часот и 15 минути, полициски службеници на СВР Тетово го лишиле од слобода Н.А.(68) од Тетово, поради сомнение дека физички го нападнал 52-годишниот тетовец Ф.М. во продавница на улица „Штипска“ во Тетово, а потоа и во куќата на Н.А. Тој бил задржан во Полициската станица Тетово, а по целосно документирање на случајот против него ќе биде изготвен соодветен поднесок, информира СВР Тетово.
Полициски службеници на СВР Тетово, вчера (23 ноември) во 16 часот и 45 минути, го лишиле од слобода И.М.(46), жител на тетовско село, затоа што околу 14 часот и 30 минути во нивниот дом се однесувал агресивно и се обидел со остар предмет да ја повреди 46-годишната сопруга. Пријавениот бил задржан во Полициската станица Тетово за целосно расчистување на случајот, соопшти СВР Тетово.
