Тетовски полицајци вчера во Шипковица пукале во воздух откако биле нападнати од две лица од Гајре кои требало да бидат приведени за инциденти пријавени пред неколку дена.
Лишени од слобода се А.М.(40) и Л.М.(39) од тетовско Гајре, кои на 11-ти и 13-ти овој месец биле пријавени од две лица од Гајре и Шипковица дека им барале пари, им се заканувале, а на жителот од Шипковица му одзеле и добиток.
-При лишувањето двајцата се однесувале агресивно и физички ги нападнале полициските службеници, при што од еден полициски службеник бил испукан и предупредувачки куршум во воздух. Двајцата се задржани во Полициската станица Тетово за целосно расчистување и документирање на пријавените случаи и ќе им бидат изготвени соодветни поднесоци, информира портпаролот на СВР Тетово, Марјан Јосифоски.