Литературниот клуб „Кирил Пејчиновиќ“ при Центар за култура „Иљо Антески-Смок“ од Тетово по повод месецот на книгата го реализираше конкурсот за најдобра необјавена песна за категориите за деца и возрасни. Вечерва петчленото жири ги соопшти имињата на оние кои добија прва, втора и трета награда како и пофалници.
-Во категоријата деца, првата награда ја доби Естира Кужава од Тетово за песната насловена „Македонија“. Две втори награди добија Божана Тренческа од Прилеп за песната „Игра на сонцето“ и Исмаил Шасивари од ОУ „Прпарими“-Голема Речица, Тетово, за песната „Снешко“. Доделени се 4 награди за трето место и седум учесници се пофалени, истакна Мирко Видоески од клубот.
Во категоријата за возрасни првата награда ја доби Живко Карески Горноселец од Прилеп за песната „Нединото житие“ Втора награда добија Николина Тануркова (за песната „Слика“) од Тетово и Оливера Доневска (за песната „Мајчина песна“) од Скопје.
Кај возрасните поделени беа три награди, а пофалници добија четворица учесници. Наградените добија книги и дипломи, а пофалените благодарници.
А.С
