Процесот на прогласувањето на Шар Планина за национален парк финишира заедно со процесот на почнување на преговори за членство во Европската унија. Зачувувањето на животната средина ќе покаже колку сме созреани во насока на европските вредности во оваа област, посочија денес учесниците на настанот „Шар Планина како европска еколошка вредност“ во организација на Секретаријатот за европски прашања и општина Тетово.
-ЕУ не е само политичка унија на држави тоа е систем на идеи и вредности, регулативи и директиви, а животна средина едно од важните прашања на тие вредности кои ни мора да ги почитуваме не поради ЕУ туку поради нас самите. Заедно со општината и со амбсадаорите ја промовираме потребата од прогласување на Шара за национален парк. Работите привршуваат и во наредните месеци очекуваме тоа да се реализира и драго мие што таа динамика коинцидира со процесот на започнување на преговори со што даваме две пораки дека политички созреавеме да станеме дел од Унијата и дел од практичните прашања како што е животната средина ние спремни да живееме европски. РС Македонија има 9 проценти заштитена во смисла на биодиверизитет, со прогласување на Шар Планина се зголемило на 12 проценти и се доближуваме на европските стандарди за заштитено подрачје, изјави вицепремиерот Бујар Османи.
-Во овој период на лобирање со овој настан ги покажуваме јасно ориентациите во однос на ЕУ вредностите. Многу проекти од областа на животната средина поддржани преку ИПА и други програми кои се реализирата со европски пари. Стратешки е важно да се прогласи Шара за национален парк и да се зачуваат природните богатсва и да се развие еко туризам кој ќе биде додадена вредност, изјави градоначалничката на Тетово, Теута Арифи.
Колку прогласувањето ќе помогне во зачување на природната разноликост со оглед дека дека непочитувањето на законите придонесе Шара да биде во лоша состојба, Османи со одговор дека со процесот се става печат на потребата од заштита на планинскиот масив.
-Ќе биде дополнителна заштита и приоднес за биодиверизитетот и за амбиентот тука и затоа сите овие напори. Искуството од другите паркови национални покажуваат дека има разлика од таква одлука тоа е што најважно е процесот на прогласување дека привршува и дека идната година да го завршиме тој процес, рече Османи.
Стручните лица од животната средина ја потенцираат потребата од итно прогласување на Шар Планина за национален парк.
-Од 1994 има иницијативи за прогласување на Шара но никогаш не вродија со плод. Сега сметам дека климата е подобрена и се ближиме до крајот. Ќе ги заштитиме сите природни ресурси и богатсвата кои ги има, изјави професорот Славчо Христовски од Македонско еколошко друштво.
Во рамки на настанот учесниците пешачеа од месноста Сидол кај Попова Шапка до Шипковички бачила близу шарпланинското село Шипковица каде беше подготвен – пикник со традиционални јадења.
