На средби со граѓаните кандидатот за градоначалник на Тетово Билал Касами, претседател на Движењето Беса ја претставува својата програма за работа 2021-2025 со мотото „Со срце за Тетово“.
-Приоритет на Движењето БЕСА ќе биде создавање функционална општина управувана според моделите на ЕУ со транспарентност и отчетност, каде што граѓанинот има право на заедничко коуправување, има право да биде информиран како и да бара отчетност за „својот дом“. Движењето БЕСА на овие локални избори ќе понуди нов модел на развој на урбаните и руралните општини базирајќи се на човечките, природните, финансиските, институционалните ресурси и достапните европски фондови. На овие локални избори, мисија на Движењето БЕСА ќе биде граѓанинот да ја чувствува општината како „свој дом“. Локалната власт во секое време ќе ги штити граѓаните со тоа што ќе им обезбеди безбеднa животна средина, регулирана инфраструктура, еколошка и чиста животна средина, квалитетни јавни услуги, модернизација преку дигитализација, поволна клима за локалните бизнисмени и инвеститори, печалбарите и странските инвеститори, се вели во основниот концепт претставен во програмата.
Ова е време на промени на кои никој не може да им се спротивстави, вели Касами во обраќањето до граѓаните во програмата.
-Како иден градоначалник на општина Тетово, имам јасна визија и стратегија, како да го трансформирам Тетово во европска и модерна средина, секогаш зачувувајќи ја традицијата, културата и историското минато, бидејќи тие се неразделна вредност на нашата Општина. Мојата визија е да ја направиме општина Тетово заеднички дом за сите нас, обезбедувајќи квалитетни услуги, безбедна животна средина, здрава образовна концепција за секој жител на Тетово, потенцира Билал Касами.
Тој вели дека да ја води општина Тетово за него е чест и привилегија, должност и обврска да им служи граѓание за попросперитетна иднина.
Можеби изгледа тешко, но се може да се постигне, особено кога имате човечки и природни ресурси, кога имате желба и добра волја, способни соработници и прекрасни сограѓани како што сте вие драги граѓани.Во мојата визија, Тетово е модерна општина со обучен кадар што дава приоритет на трајна отчетност за трошење на јавните средства, вработени фокусирани на економскиот развој на општината и во служба на бизнисот и граѓаните, вели Билал Касами.
