Книгата „Говорот на омраза за време на парламентарната изборна кампања во 2020 г, во Република Северна Македонија: Ефекти врз однесувањето на граѓаните во меѓугрупните односи“, беше промовирана денес на Универзитетот во Тетово.
За создавањето на книгата е направено истражување на околу 600 испитаници од сите шест изборни единица кои доброволно одговориле на прашања поврзано со говорот на омраза. Воедно анализирани се говорите на кандидатите за пратеници учесници во кампањата.
-Околу 60 отсто од граѓаните изјавиле дека перцепирале говор на омраза за време на кампања. Тоа претежно било на социјалните мрежи каде увиделе и дека има говор на омраза за време на изборната кампања. Ние ја анализиравме појавата а не субјектите. Се покажа дека појавата била присутна, со директен говор на омраза но многу попроширен беше имлицитната форма на говор на омраза. Имплицитна форма значи дека во реченицата не може да најдете зборче кое е заканувачко за другиот човек, меѓутоа пораката што се добива од изразот или параграфот или тоа што се кажува ги активира истите чувства и тие што слушат како што ги активираат тие чувства индиректниот говор на омраза, изјави Шерузе Османи Балажи која е дел од авторскиот тим.
Најчесто присутен говор на омраза е од едни кон други луѓе со различни политички концепти.
-Говорот е насочен кон претставниците на една кон друга партиска припадност, апостои и комбинирана врз основа политичка ориентација и етничја припадност, истакна Шерузе Османи Балажи.
Оваа книга е издадена од страна на Центарот за мир и транскултурна комуникација што функционира во рамките на Универзитетот.
ас
