Oколу 500 грама хероин,околу 100 грама кокаин, 19 ампули метадон, поголема сума девизи и други предмети. Ова најдоа полициски службеници кај 59 годишник од Тетово кој притоа е уапсен.
-Одделот за криминалистичка полиција при Сектор за недозволена трговија со дрога, оружје и опасни материи во соработка со СВР Тетово денеска околу 15 часот и 15 минути го лишиле од слобода 59-годишниот тетовец Н.М. при претрес извршен во неговиот дом со судска наредба на улица “Железничка” во Тетово. Сето пронајдено е фотодокументирано и одземено за вештачење, а Н.М. задржан е во Полициската станица Тетово за натамошна постапка, информира портпаролот на СВР Тетово, Марјан Јосифоски.
По целосно документирање на случајот ќе му биде изготвен соодветен поднесок за “неовластено производство и пуштање во промет на наркотични дроги, психотропни супстанци и прекурсори”, казниво по член 215 од Кривичниот законик.
