Во рамки на Проектот „Инклузија на децата кои се надвор од училиштата во образовниот систем“ на детската фондација „Песталоци“, во основното училиште „Гоце Делчев“ во Тетово се реализираа четири работилници во кои беа опфатени учениците од прво до петто одделение.
Дел од работилниците беа организирани со присуство и на родители, претставници од Секторот за образование од општината и невладината организација „Сонце“, сè со цел учество на родителите, семејството и заедницата во инклузивното образование.
Во работилниците беа опфатени теми од културното наследство, запознавање со празниците, народните песни и ора, традициите и обичаите на различните националности кои живеат во нашата земја, запознавање со делото на светите браќа Кирил и Методиј и изработка на букварка, но исто така беше опфатена и темата најубавите училишни дни од прво до петто одделение во кои учениците ги искажуваа најсилните впечатоци од нивното досегашно школување, информира наставничката и координаторка Соња Трифуновска.
