Почитуван Бобан Видоески претседател на ОО сдсм Тетово,
На ден денешен пред една година ја изигравте волјата на народот за најкруциелното прашање. Заевизмот и лажењето одат рака под рака. Ако не ја испочитувавте референдумската волја, јасно ни е дека бесрамно може да лажете за други проекти.
Нас ни е јасно дека во полошкиот регион, не сте направиле ниту еден километар нов пат, па мора да се фалите со одржување на патиштата, што впрочем е и законска обврска на ЈПДП. Кога сакате да зборувате за туризмот на Попова Шапка, освен, што ви треба скоро цел мандат да довршите еден капитален проект од претходната Влада, каков што е изградба на шестоседот, не интересира кој капитален проект вие реализиравте на туристичкиот Центар.
Дали ја пуштивте во употреба жичарата од Тетово до Попова Шапка?
Колку нови сместувачки капацитети изгради ЕЛЕМ турс?
Колку нови скијачки патеки направивте?
Дали направите систем на вештачки снег? Вие и снегот даден од природата не знаете да го истапкате, па скијачката сезона ја сведовте на само две недели.
Ќе проработат ли конечно ски лифтовите? До каде е деталниот план за Попова Шапка? Дали имате стратегија воопшто за равој на туристичкиот центар и со нови содржини да привлечете туристи на Попова Шапка, па природните убавини да не останат единствен адут.
На кого му одговара природните реткости на Шар Планина да не бидат заштитени како национален парк.Прашуваме дали единственото што има иднина на Шара е шумската мафија?
Овие одговори, граѓаните ги заслужуваат. На денешен ден, пред точно една година народот ви кажа јасно дека не се согласува со вашите погубни политики. Може да одложувате, но народот ќе ви каже што мисли и за вашите нереализирани ветувања на наредните избори , кога и да соберете храброст да се соочите повторно со волјата на народот. ВМРО-ДПМНЕ е тука.
Со почит, ВМРО-ДПМНЕ ОК ТЕТОВО.
