Новоименуваниот амбасадор на Македонија во Казахстан, Сали Лимани од Тетово, вчера 14 декември во претседателската палата ги предаде акредитивните писма на претседателот на Казахстан, Касим Токајев за негово назначување за вонреден и ополномоштен амбасадор на Република Северна Македонија во Република Казакхстан.
-На церемонијата, амбасадорот Сали Лимани ги упати личните поздрави од претседателот на РС Македонија Стево Пендаровски до Претседателот Касим Токајев, при што изрази очекување дека пријателските односи кои постојат меѓу нашите две земји, ќе бидат значително интензивирани во годините пред нас. Во оваа пригода, Амбасадорот Сали Лимани упати честитки по повод Националниот празник на Казакхстан – Денот на независност, кој почнува да се прославува на 16 Декември, посакувајќи натамошен просперитет на земјата и на народот на Казакхстан, известија од амбасадата.
Сали Лимани има дипломирано Медицински факултет во Софија во 2003 година, а стекнато магситерска диплома за маркетинг и менаџмент на УЈИЕ во 2013 година.
А.С
