Тетовскиот рид Балтепе и Калето ќе биде местото каде во недела ќе се одржи пригоден настан со цел одбележување на Светскиот ден на планината во организација на Федерацијата за планинарство на Северна Македонија (ФПСМ). Заинтересираните ќе имаат можност да учествуваат на презентации на теми околу планинарењето кои ќе ги претстават десетина лиценцирани водичи и како и водичи-приправници.
-На овој начин планинарите, рекреативците но и секој кој е заинтересиран може во недела да се запознае со водичите, опремата за планинарење во зима, техничка опрема, спасување во планина, историски информации, податоци за инфраструктура, патеки и други интересни теми. Презентери ќе бидат искусни водичи во планина од полошките клубови, изјави Александар Стојановски, регионален координатор за водичи во планина при ФПСМ.
Настанот во недела започнува од 11 часот и е предвидено да трае до 13 часот, согласно протоколите за заштита од коронавирусот.
А.С
