На Универзитетот во Тетово денес беше свечено пуштена во употреба Правна клиника. Оваа училница ќе биде место каде практична настава ќе имаат студентите на Правниот факултет. Формирана е со финансиска помош од американската амбасада.
-Правната клиника е всушност важен дел од целата наша работа за поддршка на правосудниот сектор во Северна Македонија бидејќи тoa е инвестиција во луѓето кои ќе направат најголема разлика, а тоа се младите лидери, млади идни обвинител, судии, адвокат, борци за човекови права, тие се иднината и тие заслужуваат професионално место каде што ќе можат да го вградат своето образование, теоретска обука со практично искуство што ќе ги доближат до луѓето на кои ќе им служат, изјави амбасадорката Кејт Мари Брнс.
Таа пред една недела потенцираше дека само осум проценти од граѓаните имаа доверба во судството и потребно е да се врти вербата во овој систем.
– И мислам дека како и секогаш во секоја земја во светот младите се најдобрата надеж, најдобрата надеж и најдобрата инвестиција.Овие млади луѓе со својот интегритет и етика им пристапуваат кон кариерите во правото, тие имаат силна поддршка од оваа неверојатна академска заедница зад себе, професори кои го инвестираат своето време и енергија со нив, изјави амбасадорката денес во Тетово.
Деканот на правниот факултет Ќебир Авзиу истакна дека Универзитетот за практичната настава на студентите ќе анализира кој претставници на правосудниот систем ќе бидат повикани.
-Сепак имаме чесни судии, чесни јавни обвинители и многу вредни адвокати, и ние преку овој процес ќе ги селектираме тие што се од таа природа. Оваа клиника има за цел да се воведе практична настава кај нашите студенти, и затоа ќе повикуваме судии, обвинители, нотари и експерти по право кои ќе ги споделуваат искуставата. Од сега наместо теорија ќе имаат и практика, изјави Авзиу.
На три македонски универзитети се отворени Правни клиники со помош на американската амбасада.
