И минатиот месец (мај) најголем број од изречените сообраќајни мерки на поширокото тетовско подрачје се однесувале на управување со брзина поголема од пропишаната, односно пребрзо возење, вкупно 457. Покрај нив, значителен е бројот и на мерките за управување без положен возачки испит и валидна дозвола за тоа (116), за недавање првeнство на пешаците (110), непропсино престигнување (61), неносење заштитен шлем (30) и така натаму. Сите прекршоци заокружени се со адекватни поднесоци, а прекршителите ќе се соочат со законски предвидените санкции.
-Во пресрет на периодот кога се очекува значитетлно зголемена фрекфренција на тетовските патишта и улици, пред се во јули и август, Секторот за внатрешни работи Тетово со апел до возачите секогаш да ја прилагодуваат брзината според условите на патот и да ги почитуваат важечките знаци. Ова, дотолку повеќе што неприлагодената брзина била причина за најмногу (20) од мајските сообраќајни несреќи и особено за оние со потешки последици. На возачите, исто така, им се советува да не седнуваат зад волан без возачка дозвола, задолжително да им даваат предност на пешаците и да бидат докрај внимателни кога и каде престигнуваат, потенцира портпаролот Марјан Јосифоски.
