СВР Тетово информира дека полициски службеници на СВР Тетово вчера (6 април) околу 14 часот и 20 минути го лишиле од слобода 30-годишниот тетовец Б.М. кој еден час пред тоа бил пријавен од неговата 59-годишна мајка дека физички ги нападнал и запуштил неговите две малолетни деца. За случајот е известен социјален работник и се преземаат мерки за расчистување и документирање на истиот, по што на Б.М. и неговата 27-годишна сопруга ќе им бидат изготвени соодветни поднесоци.
Триесет и деветгодишниот Б.Б. од тетовски Челопек, вработен во Градски паркинг, вчера (6 април) во 17 часот и 30 минути во СВР Тетово пријавил дека непосредно пред тоа на улица „29 Ноември“ во Тетово, додека извршувал работни задачи, физички бил нападнат од едно лице. Се расчистува и документира случајот, по што ќе следува поднесок.
Вчера (6 април) во 17 часот и 40 минути полициски службеници на СВР Tетово го привеле 60-годишниот тетовец М.Ј., кој претходно бил пријавен од 30-годишниот Д.Ј. од Тетово дека околу 16 часот физички го нападнал пред семејната куќа. Се расчистува и документира случајот, по што ќе следува поднесок.
