Тетовската полиција соопшти дека инспекторите расчистиле неколку извршени кражби и обиди, а кривична пријава е поднесена против осомничениот 19 годишиот Џ.Б од Теарце. Според информациите на СВР Тетово станува збор за две тешки кражби, два обиди за тешки кражби, една кражба и еден обид за кражба.
-Лицето Џ.Б. се сомничи дека во периодот од април до јуни оваа година провалил во куќа и верски објект во Тетово, а се обидел да провали во верски објект и во куќа, исто така, во Тетово и во тетовско Теарце. Осомничениот Џ.Б. одземал парични средства и банкарска картичка, како и други предмети, информираат од СВР Тетово.
Претходно осомничениот 19 годишник бил повикан на информативен разговор.
