Секторот за внатрешни работи Тетово значително ги интензивираше контролните активности во угостителските објекти со оглед на зголемената раздвиженост поради летните месеци, а поради појавите на зголемена бучавост, присуство на малолетници и слично. Чести се пријавите до полицијата од страна на жители во станбени згради каде има угостителските објекти во приземните делови.
-Секторот за внатрешни работи Тетово повторно апелира до сопствениците на кафулиња, дискотеки и други угостителски објекти да внимаваат на јачината на музиката што ја пуштаат во нивните локали или ја свират музичките групи и истовремено ги потсетува дека глобата за ваквиот вид прекршок се движи од 200 до 500, односно до 1000 евра во денарска противвредност член 8 од Законот за прекршоци против јавниот ред и мир. СВР Тетово исто така апелира угостителите да не дозволуваат престојување на малолетници во објектите по 24 часот ( член 21 од Законот за прекршоци против ЈРМ) и да не ги послужуваат со алкохолни пијалаци, бидејќи во тој случај ги очекуваат поднесоци и високи парични глоби од 1700 до 2000 евра во денарска противвредност, информира Марјан Јосифоски.
Полицијата со потсетување и дека за послужување алкохол на малолетниц угостителите можат да бидат и кривично гонети.
А.С
