Жител на тетовски Челопек ќе се соочи со кривична пријава затоа што не го почитувал решението за изолација поради Ковид-19.Тој не бил дома кога полицијата извршила контрола дали ја почитува мерката за спречување на ширење на заразната болест.
-При контрола на 57-годишно лице од тетовски Челопек било утврдено дека не го почитувало решението за изолација издадено од Државниот санитарен и здравствен инспекторат и не се наоѓало во неговиот дом, а поради што ќе му биде изготвен соодветен поднесок, информира Марјан Јосифоски, портпарол на СВР Тетово.
Во сите денови од јануари 2022 година СВР Тетово бележи вкупно пет пријави за граѓани кои не ги почитувале решенијата. Сите ќе се соочат со пријава согласно членовите 205 или 206 од Кривичниот законик.
ас
