Седум лица од кои две малолетни се евидентирани од полициските службеници на СВР Тетово како прекршители на одлуката за оградничено движење во периодот од 7 часот вчера до денес утринава во 7 часот. Сега веќе вкупно 92 лица се евидентирани за непочитување на полицискиот час.
-Од седумте лица, двајца се малолетници. Еден од малолетниците добил опомена додека останатите шест се приведени во полициска станица, земени им се податоци и за нив ќе биде поднесена пријава за непостапување според здравствени прописи за време на епидемија, изјави Марјан Јосифоски, портпарол на СВР Тетово.
Во самоизлозација со потпишани изјави сега има 16 лица, додека 121 имаат решенија за изолација, издадени од Државниот санитарен инспекторат.
А.С
