Во атарот на село Прељубиште вчера пожарникарите интервенираа на нов пожар на ниви со пченица. Изгорени се нови десетици декари од кои наместо да се собере приносот за кратко време останал само пепел.
Командантот на тетовската противпожарна единица Ука Алити потсетува на потребата и во руралните општини да се формираат противпожарни единици барем за првично интервенирање при пожари со цел додека се чекаат пожарнирите од Тетово да се спаси колку што може од имотот на граѓаните.
-Потребен е само еден камион да се набави од руралната општина и да се обучат неколку луѓе за првична интервенција додека да дојдеме ние. Така ќе ги заштитат сопствени граѓани и нивниот имот кој со маки го стекнуваат и се во опасност од вакви пожари да го снема за кратко време. Сметам дека ова треба да биде прироритет на програмите на сите идни градоначалници, изјави Ука Алити.
Според законот за пожарникарство во општините со над 24 илјади луѓе треба да има еден пожарникар на секои 1500 жители. Од шестте тетовски оштини само една е под 24 илјади жители. Тетовската противпожарна единица има 70 пожарникари.
А.С
