Граѓанска трибина „На прав пат“ се одржа вчера во Тетово каде за работата на Владата и министерствата присутните можеа да побараат одговори од министрите од редовите на Социјалдемократскиот сојуз на Македонија (СДСМ).
Потпретседателката на СДСМ, а воедно и министерка за труд и социјала Мила Царовска во воведнито обраќање ги потенцираше промените во нејзиниот сектор за изминатите две години, како што се зголемување на минимална плата, социјлна помош, детски додаток, надминување на проблемите на стечајците и како и корекција на системите за институционална грижа за населението.
-На денешната седница Владата формираше предлог одлука која е испратена до Собранието на усвојување за зголемување на минималната плата од 14.500 денари која ќе треба да биде исплатена во јануари 2020 . За овие две години се зголемија платите кај социјланите работници и во градинките, сега работат подостоинствено, рече Царовска.
Претседателот на партиската комисија за здравство и министер Венко Филипче истакна дека веќе има лекари кои земаат 100 илјади денари плата како вети СДСМ.
-За овие две години нема веќе мизерни плати во здравството. Конечно го има регистарот за ретки болести каде имаме на располагање 600 милиони денари за нивно лекување. Наместо сомнителен инсулин од Турција, сега имаме друи 3 оригинални инсулини за дијабетичарите Воведени се две нови вакцини, купени се нови возила за итната медицинска помош, потенцира Филипче.
Директорот на ЕСМ Васко Ковачески ги потсети тетовци може да аплицираат 1500 семејства за субвенциите за набавка на инвертери наместо печки на дрва, со што ќе се влијае да се намали загадувањето во Тетово, кој е меѓу градовите со најголемо аерозагадување. Министерот Едмонд Адеми потенцираше дека за младите се зголемува можноста за добивање државна помош од 10 на 20 илјади евра за програмите „Млад земјоделец“.
На прашање на граѓанин зошто нема ниту еден Ром субспецијализант, министерот Филипче со одговор дека ќе се отворат внатрешни огласи на кои ќе се распределат нови 900 субспецијализации. Тој потенцираше дека секој кој дипломирал на Медицинскиот факултет и добива лиценца веднаш ќе биде вработен со минимална плата од 30 илјади денари.
Жител на Тетово побара одговор кога ќе функционираат институциите како систем и проблемите на граѓаните ќе се решаваат. Министерката Царовска рече дека за две години не може да се создаде совршена машина, но дека за периодот од две години работите се менуваат.
