Во очекување на зголемен број возила поради доаѓање на времено вработените во странство тетовската полиција информира дека ќе се преземаат засилени активности со цел нормално одвивање на сообраќајот во градот. Зголемувањето на сообраќајна фрекфренција на тетовските улици ќе значи и отежнат пристап до паркинг места.
-Секторот за внатрешни работи Тетово апелира до сопственици на моторни возила да ги почитуваат сообраќајните знаци со кои се регулира паркирањето и да ги паркираат возилата само на наменски определените локации. На возачите, исто така, им се советува да ја прилагодат брзината, да држат прописно растојание и да се придржуваат на знаците и правилата за првенство на минување, информира Марјан Јосифовски, портпарол на СВР Тетово.
Инаку, Секторот за внатрешни работи Тетово во рамки на овие активности за поголем ред со паркирањето во Тетово и Гостивар вчера 17 декември подигнати 25 непрописно паркирани возила, 17 во Тетово и 7 во Гостивар. На нивните сопственици веднаш им се изготвени поднесоци.
А.С
