Заменик премиерот Бујар Османи, Теута Арифи градоначалник на општина Тетово и Гир Јохансен прв секретар на амбасадата на Кралството Норвешка беа на теренска посета во близина на село Фалише каде се расчистува старата тетовска депонија. По расчитувањето на депонијата, на истото место ќе почне градење на пречистителна станица за отпадни води за тетовскиот регион.
– Еден од стандардите за почеток на градба на пречистилтена станица беше расчитување на оваа депонија. Во однос на проектната докумнатација сме ги дале сите потребни дозволи и за градба пречистителна станица и на двата колектори, и со завршување на овој процес ЕУ нема да има пролем да продолжи со тендерирање и реализирање на проектот, изјави градоначалничката Теута Арифи.
Расчитувањето на депонијата се прави со помош на Владата на Кралството Норвешка.
-И Норвешка пред 25 години се наоѓаше во слична состојба и можеме да се пофалиме со фактот дека сега имаме повеќе од 2700 пречистелнi станица за отпадни води Норвешка со што бенефит имаат граѓаните и животната средина . Така ќе биде и овде со реализaција на овој проект, рече Гир Јохансен, прв секретар на норвешката амсабада.
Вицепремиерот Османи потенцираше дека проектот е важен за регионот но и целата држава.
-Овој проект е мултидимензионален, не само по фактот што ќе исчисти една ваква депонија но и ќе создаде предуслови да се гради пречистителна станица, отпадните води ќе ги чисти од целиот регион. Ќе покажеме одговорност и према регионот бидејќи оваа вода ќе оди во Грција ќе станеме кредибилен фактор на регионот во заштита на животната средина и на граѓаните кои што живеат на континентот, рече Османи.
Расчитувањето на дивата депонија треба да заврши до декември 2019 година.
-Според предвидувањето потоа до 2022 целиот процес треба да биде комплетиран и да се изгради пречистителната станица со средства од ИПА фондовите во висина од 30 милиони евра со кои ќе се градат цела станица,двата колектори и нови канализациони мрежи, рече Теута Арифи.
Старата тетовска депонија се наоѓа на 67 илјади метри квадратни на патот од Фалише кон Стримница. Вкупно 170,000 метри кубни отпад се ископува и се транспортира во депонијата Дрисла. Чистењето, одлагањето на отпадот е финансирано од Владата и општина Тетово со 2,3 милиони евра, додека транспортот на отпадот во износ од 700,000 евра е финансиран од Норвешка во рамките на проектот Нордиска поддршка за напредок на Северна Македонија.
Александар Самарџиев
