Едно лице го прекршило полицискиот час на тетовскиот регион во периодот од 7 часот вчера до истиот термин утринава, информира денес Секторот за внатрешни работи Тетово. Овој пат тоа го направил човек од Скопје.
-Станува збор за лице со место на живеење во Скопје на 25 години затекнато околу 22 часот и 30 минути како се движи со возило на регионалниот пат Тетово-Попова Шапка кај Шипковачка кривина. Тој е приведен во СВР Тетово и против него ќе биде поднесена пријава според членот 206 од Кривичниот законик непостапување според здравствени прописи за време на епидемија, изјави Марјан Јосифоски, портпарол на СВР Тетово.
Вкупниот број на лица кои не го почитувале полицискиот час изнесува 85 луѓе. Во моментот на тетовско подрачје има 37 луѓе со потпишани изјави за самоизолација и 120 лица со решенија за изолација, издадени од Државниот санитарен инспекторат.
А.С
