58 годишна жена од тетовско Желино е една од двете лица кои починале на Клиниката за инфективни болести и фебрилни состојби во Скопје како заболени од Ковид-19, инфомира Министерството за здравство. Примена била на клиниката на 21 април со тешка форма на болеста и со хроничен висок крвен пристисок.
Ова е петти случај во поширокиот тетовски регион на смртен случај од Ковид 19.
Во изминатите 24 часа во тетовскиот регион има два нови случаи на заболени од Ковид-19 или вкупно 75. Направени се вкупно 289 тестирања низ Македонија со вкупно 13 нови случаи на Ковид-19. Со ова вкупната бројка на ковид дијагностицирани во нашата земја изнесува, 1399.
Министерството за здравство информира дека денеска Институтот за јавно здравје регистрира 53 оздравени од ковид-19. По градови: Скопје-25, Куманово-13, Прилеп-5, Струга-1, Битола-4, Охрид -1 и Кочани-4. Досега се направени вкупно 15409 тестирања на Ковид-19.
