Кандидатката за градоначалник на Тетово Снежана Стојановска-Жана ја заврши кампањата со средбите со граѓаните. Под мотото „Храброст за промени“ Стојановска на граѓаните им порача да не се плашат за иднината затоа што има решенија за нивните проблеми.
-Ќе се борам во општествените институции да има 20% застапеност на Македонци, затоа што сега во општествените институции нема ниеден Македонец на функција што треба да ја има. Ќе се залагам православните храмови секојдневното да го означуваат пладнето во денот.Исто како што тоа се прави начинот кај муслиманите кои во своите објекти го соопштуваат нивното присуство во 5 часот и 13 часот, за што немам забелешка, така означувањето на 12 часот да го дадат камбаните на седумте цркви во Тетово . Обележјата мора да бидат обострани, за љубов треба двајца, за љубов не може да биде еден, ако биде обострано ќе се бориме сите заедно, да успееме, да го реализираме се она што досега на планот на односите, меѓу Македонци, Албанци, националности, дефинитивно се наоѓаме на последното скалило, иако сите комбинаторики мене воопшто не ме интересираат, вели Снежана Стојановска-Жана.
Таа од средбите со граѓаните ја пренесува атмосферата и вели дека без разлика на политичката ориентација цени дека ќе има голема поддршка од народот, затоа што тоа било пример за нејзиното здружение на жени кое опстојува три децении исто така поради тоа што е прифатено од населението.
Снежана Стојановска-Жана е независен кандидат за градоначалник која е поддржана од политичката парија Интегра.
ас
