Секторот за внатрешни работи Тетово-Полициска станица за безбедност на патниот сообраќај Тетово вчера (14 јануари) спровела локална акциска контрола, во рамките на која посебен акцент бил ставен на користењето на мобилни телефони при управување со возило.
Во контролата откриени и законски санкционирани се 30 возачи-прекршители кои користеле мобилни телефони, седум возачи кои не користеле сигурносен појас, тројца немале сообраќајна дозвола, двајца не поседувале зимска опрема и други видови прекршоци.
Поради констатирани прекршоци од сообраќај биле исклучени 3 возила. Вакви активности ќе се реализираат и во наредниот период во функција на подобрување на вкупната сообраќајна безбедност на подрачјето, соопшти денес СВР Тетово.
А.С
