Во Тетово се одржа пригодна свеченост во чест Павле Кузмановски, единствен тетовчанец меѓу годинешните добитници на највисоката македонска државна награда „11 Октомври“ за животно остварување во областа на културата, науката, уметноста и дејностите од јавен интерес. Во просториите на ОУ „Гоце Делчев“ се одржа и културно-музичка програма со која воедно се одбележа и националниот празник 11 Октомври.
Иницијативата до Одборот за доделување на наградата ја поднесе Даријан Сотировски, тетовчанец и актуелен директор на Комисијата за односи меѓу верските заедници и религиозни групи.
Во иницијативата за доделувањето на државната наградата 11 Октомври, која Сотировски ја поднесува без знаење на уметникот, образложува дека Павле Кузманоски после 82 години животен век, над 55 години врвна и плодна академска уметничка кариера, непроценливо важен уметнички опус со карактеристичен и уникатен израз кој останува како вредно македонско културно наследство заслужува да добие највисоко признание за своето животно дело во областа на уметноста од страна на својата држава.
-Делата на Кузманоски говорат дека ваквото животно признание треба да се поврзе и со славниот историски ден 11 Октомври – Денот на востанието на Македонија, бидејќи ова востание со сите свои дострели, успеси и нужни загуби е значаен мотив во неговото творештво и иницијалниот мотив за целата серија уметнички дела со меѓународна препознатливост „Сведоци“. Кузмановски е еден од ретките македонски академски сликари чии дела ја следат бурната хронологија на општествените случувања еден долг временски период, тој е посветен и активен и во својата деветта деценија, срдечен колега, космополит и пацифист, педагог и вистински културен деец, се наведува во иницијативата.
Уметникот Павле Кузманоски се обрати на свеченоста заблагодарувајќи на иницијативата.
-Знам дека дека Даријан изминативе години интензивно го следеше моето творештво. Искрено оваа награда ме извади од нормалниот колосек на живеење но од се срце благодарам на Даријан кој ја поттикна оваа иницијатива. Благордарам на сите кои реагираа на електронските медиуми и за пораките кои ги напишаа до мене. Се надевам дека со децениите години ликовно творештво го оправдувам ова признинае. Со напор и труд ова е доказ дека се постигнуваат резултат. Се што правиме е да оставиме белег за наредните генерации, истакна Павле Кузманоски.
-Денес не собра убав и голем момент кој ретко се случува во нашиот град со највисокото признание за животно дело. Државата награда е однос помеѓу сите нас и уметникот односно неговиот град и него самиот. Тој не задолжува со непроценливото културно наследство сите нас заедно. Ја заслужува иницијативата поради силно изразен морал, втор адут е врвното творештво, кое е веќе антологија. Трета работа е тоа што како народ сме родиле врни уметници, писатели, спортисти, а оваа награда говори токму тоа дека сме постоеле и ќе си постоиме, истакна иницијаторот Даријан Сотировски на свеченоста.
Павле Кузманоски е роден на 30 јуни, 1939 година во Тетово. Своето стручно образование Кузманоски го започнува во 1959 година во Средното уметничко училиште во Скопје, а високото образование го стекнува како редовен студент на престижната Академија за применети уметности во Белград каде дипломира со одличен успех во класата на еминентните уметници Винко Грдан, Рајко Николиќ и Аца Томашевиќ.
ас
