Со пригодна свеченост пред Споменикот на револуцијата во Тетово денес се одбележа националниот македонски празник 2-ри Август Илинден.
Пред споменикот од страна на повеќе делегации од институции, установи, здруженија на граѓани и политички партии беа положени букети цвеќе.
-Се собравме денес да го одбележиме најголемиот празник во историјата на македонскиот народ Илинден. Вековната желба на македонскиот народ за создавање на своја држава се исполни на овие два датуми Илинден 1903 и Илинден 1944 година. Со создавањето на Крушевската Република во 1903 победи македонскиот дух и потребата за своја држава. Вториот датум, кога е формирано Антифашистичкото собрание на народното ослободување на Македонија (АСНОМ) кога е оставрено се што напатениот македонски народ мечтаел и сонувал, рече во својот пригоден реферат претседателот на општинска организација на Сојузот на Борци од Тетово, Јоцко Димитриевски.
