Три училишта во Тетово со сопствени средства успеваат да направат подобрување на училишната инфраструктура, ги пофали градоначалничката Теута Арифи, која ги посети објектите. Сите градежни дејствија и други работи се изведуваа во текот на летниот распуст и ќе бидат завршени пред почетокот на школската година. Станува збор за основните училишта „Андреа Савевски-Ќиќиш“, „Прпарими“ и „Наим Фрашери“.
-ОУ “Андреа Савевски-Ќиќиш “ заврши со бојадисување на внатрешноста на училишната зграда, целосно ги санираше санитарните јазли, а направи уредување на библиотеката и канцеларијата за наставниците. Надворешната фасада на училиштето се санира и во ОУ „Прпарими“ во Голема Речица, саниран е училишниот двор, обезбедени се нови клупи и столици за учениците и обезбедени се паметни табли за дигитализација на училиштето. Во ОУ „Наим Фрашери“ се работело на ентериерот и надворешноста на училиштето, санирани се дворот и спортското игралиште, а оштетениот инвентар беше заменет со нов и модерен, истакна Теута Арифи.
Од општина Тетово велат дека одредени работи во текот на распустот се изведуваат во сите 19 основни и средни училишта во општина Тетово. Во јуни основно училиште на подрачјето на општина Тетово основно училиште завршиле 2130 ученици.
