Според најновите податоци од статистиката на Секторот за внатрешни работи за јули на тетовското подрачје се случиле вкупно 99 сообраќајни несреќи, од кои 70 во населено место и 29 на отворено. Исто така полициските службеници во тетовскиот регион за јули вкупно откриле и соодветно санкционирале 1896 сообраќајни прекршоци.
-Во последната сообраќајна незгода 43 годишна жена од кичевско село Стрелци вчера во Тетово била удрена од возило на улица „Радован Цониќ“ па поради добиената скршеница е задржана на лекување во тетовската клиничка болница. Инцидентот се случил околу 15 часот, а возилото „Мерцедес“ со тетовски регистарски ознаки, го управувал Ф.Д на 24години од Тетово, информира портпаролот на СВР Тетово Марјан Јосифовски
Во текот на минатиот месец јули оваа година, на поширокото тетовско подрачје вкупно регистрирани се 17 повредени пешаци, од кои 5 завршиле со тешки, а 12 со лесни телесни повреди. Двајца пешаци до денес се повредени во текот на август. Најголемиот број од ваквите несреќи се случиле на тетовските улици,
