• Импресум
  • Маркетинг
  • Контакт
вторник, 28 јуни 2022
Тетово Инфо
No Result
View All Result
  • Почетна
  • Вести
  • Теми и интервјуа
  • Колумни
  • Инфо компас
  • Контакт
Тетово Инфо
No Result
View All Result


Home Вести

„Тетово сака парк“ побара поддршка од членовите на Совет на Општина Тетово

21/03/2022
во Вести
Сподели на FacebookСподели на TwitterСподели на Whatsapp

Иницијативата „Тетово сака парк“ пред еден месец на 21 февруари до општината поднесе предлог со кој побара основање на градски парк, денеска се обрати со отворено писмо до советници во општината, барајќи вклучување и поддршка за иницијативата. Самото отворено писмо содржи и покана за консултативна средба со советниците, каде тие ќе имаат можност да се запознаат подетално со иницијативата и директно да добијат одговори за истата. 

-Нашиот предлог за формирање на прв вистински градски парк во Тетово доби широка поддршка од жителите на градот, од многумина стручни лица и респектабилни организации. Се потрудивме во духот на почит и добронамерност, наместо да ги набљудуваме тековите, да проговориме гласно за нашите потреби, силно верувајќи дека тоа ќе биде чуено и препознаено од тие кои одлучуваат, а со тоа и тековите ќе се променат и ќе се преклопат со јавниот и општиот интерес. Сегашната ситуација говори дека е дојдено крајно време да размислуваме за луѓето, а не за приватниот капитал. Нашиот предлог се однесува на формирање на прв вистински градски парк на појасот кој природно го формираат поранешните економски субјекти ШИК „Јелак“ и „Монопол“, како и Паркот „Жена борец“, Спортската сала и Спортскиот центар. Ова е последната локација во градот каде може да се создаде уредена зелена оаза во која квалитативно, на многу повисоко ниво, жителите ќе можат да го поминуваат своето време, пронаоѓајќи нови здрави навики во секојдневното живеење, кои сега поединецот, дури и да има волја, нема елементарни услови да ги реализира во нашиот град“, стои во писмото. 

Иницијаторите истакнуваат дека силно веруваат во личниот и професионалниот интегритет на секој еден член на Советот на општина Тетово, како и грижата за вистинските потреби на граѓаните и долгорочната визија за хуман развој на градот.

-Преку ова отворено писмо Ве повикуваме да се приклучите, да ја прифатите иницијативата и согласно Вашите, со закон утврдени надлежности, да побарате Советот на Општина Тетово во најскоро време да го разгледа поднесениот предлог од иницијативата „Тетово сака парк“ со давање на можност за произнесување од претставници на подносителите, по што бараме да поддржите реализација на предложеното низ соодветни постапки“, се вели во писмото. 

Предлогот до општината минатиот месец беше поднесен со околу 60 потписи на истакнати граѓани од Тетово, универзитетски професори, архитекти, лекари, спортисти, додека пак онлајн петицијата доби повеќе од 3.000 потписи на граѓани. Зад иницијативата застанаа и шест планинарски клубови од Тетово, а доби поддршка и од над 60 лекари и здравствени работници кои преку отворено писмо позитивно се изјаснија за паркот и придобивките од него. 

ас

Поврзани објави

Вести

ВМРО-Народна партија Тетово ќе настапи со самостојна листа за избор на Совет на Општина Тетово

28/06/2022
Вести

За неправилно паркирање 2430 казни за шест месеци во Тетово

28/06/2022
Вести

Тетовски фолклористи настапија на меѓународен фолклорен фестивал во Требиње, Босна и Херцеговина

27/06/2022
Вести

Kасами со нова најава дека ќе се санираат и асфалтираат сите оштетени улици во Тетово

27/06/2022
Вести

На плоштадот во Тетово играа 142 шахисти, победник на турнирот Ндерим Сарачи од Косово

27/06/2022
Вести

Ако се отсуствува подолго време од дома, да се преземат мерки за заштита, потсетува СВР Тетово

27/06/2022
Следна објава

Еко акција во Тетово, градоначалникот со адиминистрацијата собираше отпадоци

Следете не на социјалните мрежи

This site is protected by reCAPTCHA and the Google Privacy Policy and Terms of Service apply.
  • Почетна
  • Вести
  • Теми и интервјуа
  • Колумни
  • Инфо компас
  • Контакт

© 2022 Тетово Инфо - Powered by Optimus Solutions.

No Result
View All Result
  • Почетна
  • Вести
  • Теми и интервјуа
  • Колумни
  • Инфо компас
  • Контакт

© 2022 Тетово Инфо - Powered by Optimus Solutions.

Забрането е преземање на било каква содржина, без претходна дозвола на Тетово Инфо.