Граѓанската иницијатива „Тетово сака парк“ информира дека е поднесено барање за вонреден инспекциски надзор за Општина Тетово поради изведување на градежни работи на спорниот урбна блок 57А. Барањето за вонреден инспекциски надзор е пратено до Државниот инспекторат за градежништво и урбанизам и до Државниот управен инспекторат.
-Имено, Општина Тетово соопшти дека го суспендирала штетниот деталниот урбанистички план (ДУП) за урбан блок 57а, кој се однесува на просторот на поранешниот ШИК „Јелак“, а од друга страна на истата локација издала одобрение за градба на висококатница, нешто што директно негативно се одразува на последниот потенцијален простор за зелена зона во градот.Нам, жителите на Тетово, ова ни е нејасно. На докажано штетен ДУП, а јасно изразена волја и потреба за нови, зелени концепти од страна на луѓето и на соопштена суспензија на планот од Општината, како се дозволува да се шири смртоносниот вирус наречен ,,висококатници” и на тој простор? Бараме државните инспекторати да спроведат вонреден инспекциски надзор, се вели во сооопштението на „Тетово сака парк“ до медиумите.
Од иницијативата воедно порачаа дека и понатаму Општина Тетово ја игнорира иницијативата за прв вистински парк во Тетово, а според нив со тоа ја демонстрира и незаинтересираноста за потребите на граѓаните и работи на недоволно транспарентен начин.
ас
