Најпознатиот македонски ди-џеј Александар Галоски се најде со две изданија истовремено помеѓу 40-те најпопуларни денс хитови во светот на глобалната денс топ листа, globaldancechart.com на која се вртат најпознати имиња како Tiesto, Armin Van Buuren, Kygo, Robin Schulz, Sigala, Afrojack, Lost Frequencies и уште многу.
Глобалната денс табела е најбрзиот неделен преглед на најголемите денс хитови во светот, врз основа на преземања (Beatport, iTunes), преслушувања (Spotify, YouTube), Shazam, податоци за емитување од Radiomonitor и поддршка од светски познатите диџеи.
Последниве неколку месеци се најуспешни и за нашиот диџеј кој воедно е и директно поддржан од најголемото диџејско име на сите времиња Tiesto.
Музиката на Галоски редовно може да се најде во плејлистите на најголемите диџеи во светот како Дејвид Гета, Тиесто, Мартин Гарикс, Афроџек, Алесо, како и во етер на светските реномирани радио станици.
Македонија има диџеј и продуцент од светски размер кој веќе е докажан како еден од најдобрите диџеи од овој дел од Европа.
