Тетовски театар ја подготви драмската претстава „Бубрегот“ на македонски јазик по текст на австрискиот автор Штефан Фогел, а во режија на Марјан Георгиевски од Битолскиот театар. Предпремиерата е закажана за утре петок 13 мај, додека премиератата за во сабота 14 мај.
-Се работи современе драмски текст на Штефан Фогел кој има траги-комичен пристап и преку тој парадоксален израз создаваме на сцената една претстава која ги анлизира меѓучовечките односно брачните односи. Во вакво време го поставуваме прашањето колку сме спремни да се дадеме во вистинска смисла на зборот или сме заборавиле и сме станале себични, па повеќе ги гледаме нашите лични интереси отколку да влеземе во некои повисоки вредности. Самото општество и самиот начин денес како функционира светот прави да онаа вистинска љубов да ни ја изгужва, да ни ја згмечи душата и длабоките тајни на душата и да не така да не се појавиме на површина да не ја изразиме и да не се дадеме вистински себеси во целост. Тоа е темата и се надевам дека ќе има прилика да ја гледа претставата и да ги доживее најмрачни пориви на човекот, информираше режисерот Марјан Георгиевски на денешната прес-конференција.
Играат четворица актери, двајца вработени актери Тетовски театар, Ѓорѓи Нешковски и Ирена Мирчевска, како и двајца гости, Марко Богдановски и Јасминка Василева. Сценограф е Валентин Светозарев, а ова е прва режија на Марјан Георгиевски надвор од Битолски театар.
Претставите се од 20 часот во Центарот за култура „Иљо Антески-Смок“ во Тетово.
ас
