Академскиот ликовен уметник-графичар Зоран Бошковски од Тетово утре вечер вторник 30 ноември преку изложба ќе ја претстави својата работа на 21 графика во Домот на културата „Кочо Рацин“ во Скопје со почеток во 19 часот. Графиките изработени во линорез, колографија и монотипија ќе бидат изложени до 7 декември.
-Тоа е еден циклус во кој доаѓа до одраз православниот мистицизам. Изложбата е наречена „Надворешниот свет како симболика на внатрешниот“ од причина што внатрешниот свет го сметам за вистински свет додека надворешениот свет е минлив и менлив додека внатрешниот е безвременски и постојан. Од таа причина за сите овие графики мотивот е земен од духовноста на православието каде што се истражува безпредметниот простор кој што го носиме во нас. Според Евангелието тоа значи големот да биде сместливо во малото. Универзумот што го гледаме пред нас ние всушност го носиме внатре во нас, изјави тетовскиот уметник Зоран Бошковски.
Графиките се создадени во периодот 2018-2021 година. Авторот е роден 1970 година во Тетово, а академија за ликовни уметности завршил во Скопје во 1994 година. Во 2019 година магистрирал графика во класат на Зоран Јакимовски. Досега има десет самостојни изложби и учесник на поголем број групни претставувања и светски биеналиња за графика.
Изложените графиките бидат изложени во галеријата КО-РА во сутерен при домот на кутурата „Кочо Рацин“ во Скопје.
ас
