Огромната пасија која ја има кон решавањето на рубикова коцка му овозможила на 12 годишниот Стефан Ѓорѓески од Тетово тоа да успеее да го направи за дваесетина секунди.
На натпреварувањета во Скопје на кои бил во 2018 и 2019 успеал во една од рундите да ја реши рубиковата коцка за 21 секунда, резултат што стои на неговиот профил на светската асоцијација за решавање на рубикова коцека WCA -World Cube Association.
-Стефан започна да игра со рубикова коцка уште од 7 години. Од тогаш му е постојана занимација и преокупација. Секаде и секогаш со него носи рубикова коцка и ја решава. Дома има повеќе десетици рубиковци коцки. Започна да оди на натпревари, иако во Тетово нема ваков клуб, велат неговите родители Валентина и Сашо.
Стефан е ученик во седмо одделение во ОУ Братство-Миѓени. Во јуни полни 13 години.
А.С
