Трчање до 60 години во женска и машка конкуренција, кошарка и влечење јаже за мажи се четирите спортски дисциплини во кои прво место на републичките спортски натпревари освоија членовите на Здружението на пензионери од Тетово. Со овие како и со останатите резултати тетовските пензионери станаа севкупен победник на 24-тите Републички спортски натпревари.
-Габриела Ѓороска и Нејази Таири се победници трчање до 60 години, додека екипно во јаже и во кошарка нашите екипи исто така беа најдобри, соопштија од Здружението на пензионери.
Две втори места се освоени во дисциплиниа скок од место и шах за мажи. Три трети места во табла за жени, кошарка за жени и домино за мажи. Здружението учествуваше со 32 натпреварувачи, 4 судии, 3 тренер и 4 членови на раководството во 12 поединични и екипни спортски дисциплини во машка и женска конкуренција.
– Сериозниот пристап во припремниот период и максимално залагање овожможија и годинава да освоиме прво место и преодниот пехар. Наредната година доколку по трет пат освоиме прво место го добиваме во трајна сопственост републичкиот пехар. За да се подготвовуваме за кошарка во дворот на нашето здружение беше монтиран кош, соопштија од Здружението на пензионери.
24-тите Републички спортски напревари за пензионери се одржаа во неделата во Радовиш каде учествуваа 504 натпреварувачи во 12 дисциплини од 46 здруженија на пензионерски членови на Сојузот на пензионери на Македонија.
