Тетовското архиерејско намесништво упати препорака до верниците за семејните слави благословувањето на лебот, виното и пченицата наместо во црква да го прават дома. Воедно препорачаа празнувањето на семејниот заштитник да се одбележи само во најтесниот круг на блиските роднини како начин на заштита од ширење на коронавирусот.
-Скоро семејство си има свој заштитник, патрон кој го слави, на кој му се моли и кој го прославува во овој период. Согласно со кризата со короната, често се прашуваат, како во оваа година, како да ги празнуваат славите. Ние како свештенство од тетовското архиерејско намесништво одлучивме славските лебови да ги кршиме по домови пазејќи ги препораки на Министерството за заштита од корнавирус. Луѓето треба да имаат подготвено леб, пченица, вино и свеќа. Свештениците во одреденото време ќе дојдат до домовите на верниците и ќе ги благословат славските лебови, пченица и вино, истакна отец Александар Стојановски.
Свештениците велат дека главното празнување на семејните слави се молитвите и благословувањето на лебот, пченицата и виното, додека славските трпези се додаток и дека поради ситуацијата не се препорачани.
-Следејќи ги препораките на Министерството за здравствп препорачуваме прославата со славски трпези да биде во потесното семејство и меѓу побслики роднини, да нема масовни собирања како што има. Има некои слави со по 100 луѓе но да нема толку собирање на луѓе дома. Само со најблиските луѓе да се организира славскитот ручек. На крајот од краиштата, доаѓање на Света литургија, кршењето на славскиот леб дома, молитвата кон светителот, читањето на житието на светителот се најважните обележја на празнувањето на славата. Прославата со ручек и слично е додаток, потенцира свештеникот.
Тетовското архиерејско намесништво поради состојбата одложи и осветување на новоизграден параклис во кругот на црквата Света Богородица во Тетово.
А.С
