Директорот на пазарна инспекција Стојко Пауновски, инаку од Тетово доби голема поддршка од јавноста во судирот преку медиумите со премиерот Зоран Заев, откако рече дека нема да ги прими на работа рамковно вработените објаснувајќи дека не се потребни административци туку има потреба од вработување уште инспектори за на терен и пред се во источниот дел на Македонија. Од друга страна Заев преку националните медиуми изјавува дека Пауновски не смеел да си дозволи да ги понижува надредените, да не почитува хиерархија и секој ден јавно да води полемика со потпретседателот и со претседателот на Владата и најави негово разрешување.
-Стојам на тоа ако и премиерот не ме разбира и не сакаат да ја разгледаат ситуацијата во пазарна инспекција, слободно нека ме разрешат уште во вторник. Тоа што се бара од мене не можам да го спроведам, истакнал Стојко Пауновски денес во изјава Телма Телевизија.
Станува збор за 35 лица кои како рамковно вработени Министерството за политички систем определиле да работат во Државниот пазарен инспекторат.
На социјалните мрежи Стојко Пауновски ја доби поддршката од голем број граѓани кои ја истакнуваат неговата истрајност во спроведувањето на законските прописи и реалното менаџирање со Државниот пазарен инспекторат.
-Само во Македонија може да те разрешат затоа што си ја работиш својата работа и гледаш да ги подобриш работите. Фактот дека премиер кажува јавно дека ќе разреши функционер само заради „пркос“ е точен показател кое дно сме, пишуваат граѓаните.
Се појавија и неколку графички прикази и илустрации за целиот случај.
