Во руинирана состојба, со намерно уништена покуќнина, скршени стакла од прозорци и врати, украдени електронски апарати и уреди, оштетен мебел се соочил Далибор Војновски од Тетово во својата куќа во тетовското планинско село Лавце. Тој објаснува дека ова се случувало во изминатите два месеци кога не бил во можност да ја посетува куќата.
-Конфликт почна во Македонија 2001 година почна од ова село, поточно од Тетовското Кале-немаше скршено ниту една чаша. Сега ми се случува мене после 20 години-ми се случува 2001 година ми се случува како да се изразам. Мене не ми е јасно како варира тоа едно општество за сите, изјави револтираниот Далибор.
Тој смета дека и понатаму може да има ризици од вакви немили случки, а иако штетата е голема, тој не отстапува од својот имот и ќе ја реновира куќата.
-Ќе морам да реновирам повторно, не отстапувам, куќата ми е од дедо од прадедовци, оставена, не е падната од небо што се вели, со десет прсти е градена, вложувано во неа. Сепак ќе ја реновирам, нема да одустанем па макар ја кршеле уште, пак, вели Војновски.
Тој го пријавил случајот во СВР Тетово, од каде стручна служба извршила увид.
ас
