Во рамки на денешната предизборна кампања тетовската градоначалничката и кандидатка за нов мандат од ДУИ, Теута Арифи денес го презентираше планот за гасификација во градот. Таа посочи дека во следните четири години во општина Тетово ќе започне гасификација.
-Во следните четири години, 50% од планираната дистрибутивна мрежа ќе се изгради во општина Тетово, во согласност со постојната физибилити студија, студија спроведена во 2014 година и финансирана од Министерството за транспорт и врски. Гасификацијата ќе им овозможи на домаќинствата, индустриите и деловните субјекти да имаат алтернативна енергија, чиста, еколошка и многу подобра. Цената на новите врски ќе биде помала од 100 евра и општината делумно ќе ги субвенционира овие трошоци за сите семејства и целосно за семејствата со социјална помош, изјави Теута Арифи.
Во тек е постапката за јавно-приватно партнерство во Министерството за економија која треба да биде завршена до крајот на 2021 година со цел изнаоѓање на приватна компанија која ќе има обврска да дизајнира, изгради и одржува дистрибутивна мрежа.
