Четириесетина музичари од Тетовско вчера ја одржаа заедничка дружба која се организираше традиционално по 12-ти пат. Карактеристика на оваа средба е дружбата и веселбата на луѓето кои вообичаено во другите денови за работа имаат да создадат добра атмосфера за посетителите на угостителските објекти каде настапуваат.
Традиционално, од страна на отец Предраг Исаевски беше осветен славски колач како и благословена вечерата и работата на музичарите.
Годинешни кумови односно организатори на заедничката дружба и веселба беа Блаже Мишевски, Нони Видоевски и Јован Трајчевски. За наредната година кумови и организатори на забавата се одредија со поделба на парчиња од славскиот колач каде имаше парички. Кумството им припадна на Тони Тушев, Мики Николовски и Перица Симоновски.
За забава на музичарите беа повикани колегите од Кавадарци-Класико бенд.
