Во организација на општинскиот комитет на ВМРО ДПМНЕ Тетово вечерва се одржа трибина насловена „Шчо напраифме“по повод 21 февруари Меѓународниот ден на мајчиниот јазик. За историскиот развиток на македонски јазик пред присутните се обрати професорката по македонски јазик Ружа Ѓорѓеска.
-Македонскиот јазик е нашата татковина бидејќи од дамнина кога не постоела македонската држава она што нас не обединувало и што сме опстојувале низ вековите е токму јазикот. Тоа е нашето национално обележје. И мојата порака е секој пат да си го чуваме јазикот бидејќи само така ќе го зачуваме сопствениот идентитет. Многи културни дејци ни оставиле богатство во однос на јазикот и го прославиле низ целиот свет, истакна Ружа Ѓорѓеска.
Предавање од научен аспект за разликите на македонскиот и бугарскиот јазик, одржа доцент д-р Михајло Марковиќ од Универзитетот во Тетово.
-Клучни разлики кои ги имаме е носовктаа „он“ назален вокал кој се користел во старословенскиот период. Со старословенската азбука има два назални вокали, тоа се „он“ и „ен“ и темни гласови кои што нарекуваат ерови. Тоа се мал ер и голем ер. Во македонскиот и бугарски јазик двата гласови/знаци преминуваат во различни гласови односно се развиваат различно. Главна особеност е развојот на носовката он, која во бугарскиот јазик се заменува со темен глас однос со големиот ер па имам п’т, р’ка. Во македонскиот современ јазик то гласи пат, рака, маж и така натаму. Носовка „ен“ која исто е назален вокал исто така е клучна што во македонскиот јазик редовно се заменува со „е“. Имаме големи разлики, лексиката е различна, нивната е под силно руско влиајние. Исто така има разлика во предлози, честици, сврзници. Пример кај предлозите с’с во бугарски јазик и со во македонскиот јазик, истакна Марковиќ.
Во светот постоја 6500 говорни јазици од кои 90 се веќе изумрени.
А.С
