Судија во претходна постапка при Основен суд Тетово вечерва одредени мерка притвор за 31-годишниот жител на тетовски Порој вечерва кој вчера беше уапсен, а кај него беа најдени над 100 пакувања кокаин и марихуана. Тој доби 30 дена притвор, а ќе биде спроведен во затворот во Скопје.
– Денеска попладне А.Б.(31) од тетовски Порој, со кривична пријава поднесена од СВР Тетово, беше изведен пред судија на претходна постапка во Основен суд Тетово, кој му определи мерка притвор од 30 дена, а поради основано сомнение дека сторил кривично дело “неовластено производство и пуштање во промет на наркотични дроги, психотропни супстанци и прекурсори”, казниво по член 215 од Кривичниот законик. Денеска А.Б. ќе биде спроведен во КПУ Затвор” Скопје” во Скопје за издржување на притворот, информира Марјан Јосифоски, портпарол на СВР Тетово.
Приведениот беше најден на паркинг од фирма во Порој, вчера околу полноќ, а при тоа се однесувал агресивно и физички ги нападнал полициските службеници. Во неговото возила марка „хамер“ биле пронајдени 100 пакувања различна големина кокаин, девет пакувања марихуана, две дигитални ваги и два мобилни телефони.
А.С
