Мерка од 30 денови притвор денес доби 44 годишник од Долна Лешница кој вчера беше приведен откако му беа најдени фалсификувани 13 илјади евра и друг вид материјал. Тетовоската полиција денеска до Основното јавно обвинителство Тетово поднесе кривична пријава против 44-годишниот Б.Џ. од тетовска Долна Лешница, поради основи на сомнение дека сторил кривично дело “фалсификување пари”, казниво по член 268 од Кривичниот законик.
-Со кривичната пријава тој беше изведен пред судија во претходна постапка на Основниот суд Тетово, кој му определил мерка притвор од 30 дена, по што ќе биде спроведен во Казнено-поправната установа Затвор ” Скопје” во Скопје за издржување на мерката., информираат од СВР Тетово.
При претресот извршен вчера во домот и помошни простории на Б.Џ. беа пронајдени и одземени околу 13 илјади фалсификувани евра, 250 швајцарски франци, кувајтски динари, обрасци и други фалсификувани материјали (маркички, хартија и слично)
А.С.
