Работник на 33 години го изгуби животот при изведување работни обврски во фирмата во тетовско Боговиње вчера околу 16 часот и 30 минути. При тоа повреден е и негов колега на 31 година.
-Вчера во 17 часот и 15 минути во СВР Тетово било пријавено дека околу 16 часот и 30 минути во фирма во тетовско Боговиње, при извршување работни задачи, вработениот Ј.С.(33) од Боговиње се здобил со повреди од кои починал на местото. Додека С.И.(31), исто така, вработен во фирмата се здобил со тешки телесни повреди, констатирани во тетовската Клиничка болница, информира Марјан Јосифоски, портпарол на СВР Тетово.
Јавен обвинител и екипа од СВР Тетово извршиле увид и се преземаат мерки за документирање на случајот.
А.С
