До утринава во седум часот, за период од 24 часа, тројца хоспитализирани пациенти поради Ковид-19 ги загубиле животите во тетовската болница. Две лица се на 69 и едно на 77 години.
-Има 36 вкупно хоспитализирани значително е намалена бројката. Се надеваме дека уште ќе паѓа бројот и до крај на следната недела ќе немаме хоспитализирани.Значително намалување има кај амбулантски прегледи. За прегледи и контрола за 24 часа се јавиле 43 луѓе. Од нив двајца се примени на болничко лекување. изјави Д-р Миранда Пајазити.
Уште четири лица преживеани од пожарот во модуларната болница се на болничко лекување.
-Се уште се грижиме за нив, тие се во добра стабилна состојба, другите се дома. Општата состојба моментално е стабилна колку може да се каже стабилна сите се со голема нега. Се надеваме дека ќе го пребродат ова што побрзо и дека ќе се пуштат дома. Имаме доволно кадар – медицински персонал, доктори и сестри, има за сите ковид пациенти. Имаме помалку хоспитализирани и подобро се менаџира ситуацијата, рече докторката.
Во тетовскиот регион се бележат 1082 активни случаи на болни со Ковид-19. Починатите се над 475 лица.
ас
