Полициски службеници на СВР Тетово, вчеравечер (26 мај) околу 21 часот и 35 минути, во близина на клучката за тетовско Камењане го лишиле од слобода 27-годишниот Н.М. од тетовски Пирок затоа што при негов и преглед на возилото „фолксваген голф“ со тетовски регистарски ознаки, во кое се превезувал како совозач, а кое го управувал И.А.(26) од истото село, му била пронајдена марихуана, информира СВР Тетово.
Според полицијата Н.М. е задржан во Полициската станица Тетово и по целосно документирање на случајот ќе му биде изготвен поднесок по член 215 од Кривичниот законик за „ неовластено производство и пуштање во промет на наркотични дроги, психотропни супстанци и прекурсори“.
СВР Тетово информира и дека вчера (26 мај) околу 13 часот и 10 минути, на улица „Илинденска“ во Тетово, полициски службеници на СВР Тетово го лишиле од слобода 39-годишниот тетовец Б.А. поради сомнение дека кон крајот на минатата и оваа година извршил две тешки кражби и едно разбојништво во Тетово. Тој бил задржан во Полициската станица Тетово и по документирање на случајот ќе му биде изготвен соодветен поднесок.
Вчера (26 мај) околу 13 часот и 10 минути, во тетовско Желино, полициски службеници на СВР Тетово со судска наредба го привеле 25-годишниот А.А. од тетовско Ларце за издржување на затворска казна, по што е спроведен во Казнено-поправната установа Затвор „Тетово“ во Тетово, информира полицијата.
