Универзитетот во Тетово оценува дека наставниот процес спроведен за време на пандемијата кај нив е успешен. Од таму соопштуваат дека и покрај околностите предизвикани од пандемија постојано се придржувале до препораките на Комисијата за заразни болести, со цел да се одржи наставата.
-Досега, во сите академски единици успешно се реализирани 39.500 часови на предавање преку Интернет, во првиот и во вториот циклус, со 223.000 вклучувања на активни учесници (студенти) на сите часови во текот на пролетниот семестар. За потребите за изведување на практична работа и лабараториски вежби беа организирани часови и со физичко присуство. Беа преземени сите неопходни мерки, подготвувајќи конкретни упатства и обука за студенти и професори, во врска со спроведувањето на тестирање преку Интернет, соопштуваат од Универзитетот во Тетово.
За сите предмети е обезбедена интернет-платформата за испити, како и интензивна комуникација на студенти и професори на кои им била потребна техничка поддршка.
-И покрај скептицизмот за оценување преку Интернет кај нас, загриженоста од непознатото, оваа форма на тестирање стана ново искуство во согласност со другите престижни универзитети, а воедно создаде нови навики за работа, како и подигнување на повисоко професионално академско ниво. Универзитетот во Тетово високо ја цени посветеноста на студентите и професорите за успешна работа направена во текот на пандемиската состојба, потенцираат од тетовската високообразовна институција.
А.С
