Кај модуларната болница во Тетово е утврдено дека има грешка при изградбата и фирмата изведувач треба да ги отстрани забелешките, информираше денес економскиот директор на Клиничка болница Тетово, Артан Етеми. Вчера имало примопредавање на објектот од страна на фирмата изведувач, Министерството за здравство и Клиничка болница.
– Забелешките се однесуваат на подот и уште неколку мали инфраструктурни грешки. Даден е рок за пет дена да се санираат грешките при изградба на модуларната болница. Струја и вода има. За системот за кислород сме во контакт со фирмата од каде ни рекоа дека за два три дена може да се постави. Системот е дојден е до инфективно и може да се поврзе. Ако не излезат други проблеми наредна недела се надеваме дека ќе се пушти во употреба, изјави денес Артан Етеми.
Модуларната болница ќе има место за 35 луѓе. Сега во неколку објекти на Клиничка болница се хоспитализирани 41 пациент.
-Не е проблем во кревети, каде и да се болните, тешка е болеста. Голема е болницата и не сме имале страв дека ќе ни се случи сиатуација да немаме кревети. И без модуларна нема проблем или потешкотии, вели Д-р Гзим Нуредини, координатор во Ковид центарот.
А.С
